Lesendur afsaki thá spaenskukennslu sem sídasta faersla var, en helmingur hennar birtist nú í thýdingu.

Tímabundnu 'beatus ille' kommúnurnar mínar

Síðustu 2 ½ ár hef ég búið í meira eða minna sjö húsum, að meðtöldu því sem við flytjum bráðlega í, og hafa fjögur þeirra verið í Barcelona. Borgin er ansi stór og íbúarnir hrikalega háðir almenningssamgöngum, en mér hefur tekist að sniðganga þær og fer allra minna ferða fótgangandi eða á hjóli. Hef ég ekki tekið metró-lestina oftar en tíu sinnum allan þennan tíma.

Ég hef alltaf búið í gamla bænum, sem því miður er sá ‘túristavænsti’ en vissulega einnig sá þar sem minnstrar mengunar gaetir. Það heyrir til undantekninga að ég sjái bíl og svo fáar umferðargötur ‘krossa’ ég allajafna, að þegar ég kom aftur heim eftir námsdvöl mína í Lundúnum þurfti ég nokkra mánuði til að venjast því að bílarnir koma frá vinstri, enda hef ég svo til eingöngu reynslu af göngugötum hér.